Lotterii

Kohta joka kuukausi Polarbibblossa oon Lotterii missä lapset voittaa kirjoja, aviisia ja muita fiiniä priisiä. Tässä oon tavaliset kysymykset ja vasthaukset meän Lotteriista.

Kunka mie pääsen matkhaan Lotterihin?

Tehe käyttökonttu. Ko sie lähetät piitraakia sisäle eli vastaat quizhin sie saatat klikata ruutua ette sie halvaat olla myötä Lotteriissa. Kirjota sinun osote ja toivo priisi. Osote oon siksi ette met tiämä minne lähettää sinun priisi jos sie voitat. Ko piitraaki oon julkastu sivula niin se oon lotti Lotteriissa. Helppo, eikö vain?

Minkälaisista piitraakista tullee lotti Lotterihiin?

Kertomukset, runot, kirjatipsit, kuvakertomukset ja riittaukset. Niistä tullee lotti ko net oon hyväksytty ja julkastu. Sie saat lotin jos sie vastaat kaikhiin kysymyksiin oikein quizzissä ja lähetät sisäle vasthauksen.

Kunka monta kertaa mie saan lähettää piitraakia Lotterhiin?

Niin monta kertaa ko sie halvaat!

Kunka vanha häätyy olla ette saapii osallistua Lotterhiin?

Kunka vanha tahansa 0-18 vuen välilä!

Mitä priisiä lotathaan ulos?

Met lottaama kirjoja, aviisia ja t-paitoja. Joskus oon vielä lisävoittoja. Piä silmälä erikoislotteriita! Joskus voittaja saapii pienen yllätyksen.

Valitte "Kamratposten", "Min häst" eli "Robot!" Sie saat uusimman eli toiseksi uusimman numeron.

Kirjat oon erit joka kerta! Valitte minkälaisen kirjan sie halvaat ja kirjota kunka vanha sie olet. Se helpottaa meitä valitheen hyän kirjan sulle!

Meän t-paijat oon luulajansaameksi, meänkieleksi, pohjoissaameksi ja eteläsaameksi. Muista kirjottaa koko!

Halvaaks tipsata meitä priisitä jokka olis hauskat voittaa Lotteriissa? Kirjota meän kontaktiplankethiin.

Kunka useasti tet lottaatta voittajat?

Joka kuukausi mutta ei kesälä. Meilä oon ykstoista Lotteriita vuessa.

Koska tet veättä voittajat?

Seuraavan kuun alussa. Esimerkiksi: mai- kuukauen Lotteri veethään jyynissä niin ette kaikki jokka haluaa olla myötä Lotteriissa kerkiää julkasta heän piitraakit.