Till navigering av sidans innehåll Till övergripande innehåll för webbplatsen

Mitä sie saatat tehä meilä?

Tervetuloa Polarbibblon sivule! Polarbibblo on sivu mihin saatat lähettää sinun kertomuksia, runoja, kirjatipsiä ja riittauksia. Sinun työt julkasthaan meän sivula niin ette muutki näkevät net.  Sie saatat lukea ja saaja inspirasuunia muitten lasten tekstistä. Piiain sie löyät oman favuriittikirjan meän kirjatipsitten avula? Pellaa Pac-Mania, tehe quizzi ja lue kirja Noran pulkasta mikä löytyy kahelatoista eri kielelä.

Sie et tartte ommaa käyttönimeä jos halvaat lähettää meile sinun töitä. Jos sulla ei ole käyttönimeä met keksimä sulle nimen ja se näkkyy ko sinun rittaus eli teksti julkasthaan sivula. Jos halvaat, niin saatat tehä ittele oman käyttönimen! Omala käyttönimelä voit säästää sinun tekstin eli riittauksen ja tehä sen valhmiiksi myöhemmin. Yks hyä asia, jos sulla oon oma käyttönimi, oon ette sie saatat olla matkassa meän Kirja-ja aviisilotteriissa. Siinä sie saatat voittaa kirjoja ja aviisia joka kuukausi!

Lissää tietoa Kirja-ja aviisilotteriista löytyy tästä!

Ko lähetät meile sinun tekemiä töitä meän retaktöörit kattovat niitä. Het antavat tipsiä sulle jos halvaat muuttaa eli lisätä jotaki sinun työhön, tai jos halvaat oppia lissää kirjottamisesta eli riittaamisesta. Jos sie ja retaktööri oletta tyytyväisiä ja työ oon valmis, sinun työ julkasthaan sivule ja sie näet sen ko käyt meän sivula! Nyt sinun työ oon lotti meän Kirja-ja aviisiloteriissa.

Onko sulla kysymyksiä meile eli halvaaks tietää miten Polarbibblo toimii? Ota meihin yhteyttä kontaktiplanketin kautta niin saat vastauksen niin kierästi ko mahollista.