Till navigering av sidans innehåll Till övergripande innehåll för webbplatsen

Kirja- ja aviisilotterii

Joka kuukausi meän lotteriissa saattaa voittaa kirjoja av aviisia net lapset joittenka tekstiä ja riittauksia näkkyy meän sivula. Tästä saatat lukea vastauksia kysymykshiin meän Kirja- ja aviisilotteriista!

Kunka mie pääsen matkaan Kirja- ja aviisilotteriihin?

Ensiksi tarttet käyttönimen. Ko lähetät meile jonku työn eli tehet meän quizzin muista klikata ruutu missä lukkee ette halvaat olla matkassa Kirja- ja aviisilotteriissa. Muista kirjottaa sinun atressi niin met tiämä mihin lähetämä sinun kirjan eli aviisin jos voitat. Jos lähetät meile jonku tekstin eli riittauksen mikä julkasthaan meän sivule niin sie olet matkassa lotin veossa! Enkkelttiä!

Mitä minun pittää tehä ette minun rittaus eli muu työ oon matkassa Kirja- ja aviisilotteriissa?

Joka ikinen kertomus, runo, kirjatipsi ja riittaus oon lotti heti ko meän retaktööri oon hyäksyny sen ja julkassu sen meän sivule. Sie saat kans lotin jos vastaat oikein meän quizzissä ja lähetät meile vastausken.

Kunka monta kertaa mie saan lähettää minun töitä Kirja- ja aviisilotteriihin?

Niin monta kertaa ko itte halvaat!

Minkä ikäsille Kirja- ja aviisilotterii oon?

Kaikile nuorile 0-18 vuen ikäsille!

Mitä kirjoja ja aviisia lotteriissa oon?

Saat itte valita minkä aviisin halvaat. Net oon: Kamratposten, Min häst ja Robot. Sie saat uusiimman numeron eli sen mikä viimeksi oon julkastu.

Kirjat muuttuvat kerrasta toisheen! Tämän takia met halvaama ette sie valittet minkä sorttisen kirjan sie halvaat ja kerrot meile kunka vanha sie olet. Tällä laila met löyämä passelin kirjan sulle!

Tipsaa meitä aviisista ja kirjoista mitä sie halvaat ette lotteriihin tullee matkaan! Kirjota tipsit meän kontaktiplankethiin


Kunka useasti lotti veethään?

Joka kuukausi, mutta kesälä jyyli ja aykystin lotterii tehhään vain kerran. Yhteensä se tekkee  ykstoista kertaa vuoessa. 

Koska lotti veethään?

Seuraavan kuun alussa. Esimerkiksi main Kirja- ja aviisilotti veethään jyynin alussa. Tällä laila kaikki jotka halvaavat olla matkassa lotissa seuraavana kuukautena kerkiäävät lähettää meile töitä ja kaikila oon yhtä suuri mahollisuus voittaa.

Miksi lotteriissa oon vain kirjoja ja aviisia?

No, ko met täälä Polarbibblossa rakastama lukemista! Halvaama kans jakkaa sulle meän favuriittikirjoja ja auttaa sinua, niin ette löyät sinun mielisiä kirjoja. Joskus voittaja saapii kans pikku yllätyksen.

Jos sie halvaat voittaa meän pehmeän Polarbibblo-pöllön, lue tarkasti meän sivua ja ole matkassa kilpailussa.