Kirjota meänkielelä, harjottelema yhessä!
Halvaks sie kirjottaa jotaki maakista? Piian noijista eli taikatempuista? Tässä kirjailija Linnea Huhta kertoo viiestä eri kirjotustipsistä. Anna mielikuvitus lentää!
1. Ensimäinen öövninki
Minun fasterin, siis tätin, koiran nimi oon Taika. Ei se välttämättä ossaa tehä taikatemppuja, mutta kyllä se temppuja tekkee. Kirjota kolme temppua jokka koirat pruukkaavat osata.
2. Toinen öövninki
Trollkaari elikkä noita ossaa tehä taikatemppuja. Jos sie olisit noita, minkälaisia temppuja sie tekisit?
3. Kolmas öövninki
Mikäs sinun trollkaari elikkä noita-nimi oon? Nimi oon sinun sukan färi, lempi-elukkan nimi ja se mitä sie söit viimeksi. Esimerkki: Keltanen telfiini karkki.
4. Neljäs öövninki
Katto kelloa, tai laita timerin pääle. Kirjota niin monta meänkielen sannaa ko sie ossaat minutissa. Aika alkaa… NYT!
5. Viies öövninki
Käytä ensimäinen, toinen ja viies sana neljänestä öövninkistä ja kirjota meininki niistä.