Čále poesiija!

Poesiija sáhttá leat vaikko makkár. Poesiija lea seammá go diktačállin. Dikta sáhttá leat guhkki dahje oanehaš. Ii dárbbat čuovvut čállinnjuolggadusaid. Stoaga sániiguin!

PS. Poesiijas ii leat mihkkege boastut.

Fantisere

1a.

Čále visot sániid maid fuobmát go gulat sáni čakča. It dárbbat lohkat sániid jitnosit. 90 sekundda.

1á.

Geavat muhtin sániid maid eske čállet ja čále divtta čavčča birra. Sáhtát lasihit ja sojahit sániid. 2 min.

1b.

Čále divtta čavčča birra. It oaččo geavahit daid sániid mat ledje hárjehusas 1a. Sáhtát lasihit ja sojahit sániid. 2 min. Loga jitnosit iežat divtta dahje du rátná divtta jus hálidat.Lei go erohus čállit dan guokte divtta? Šattai go vuosttaš iežálagán go nubbi?

Sáhtát geahččalit seamma hárjehusa dáid sániiguin: alit, rádná, dálvi, musihkka, ráhkisvuohta.

Bija sániid oktii

2á.

Čále visot adjektiivvaid maid fuobmát. Adjektiiva muitala makkár juoga lea, omd. fiskat, stábálaš. 1 min

2a.

Čále visot substantiivvaid maid fuobmát. Substantiiva muitala mii juoga lea dahje manin gohčoduvvo, omd. sihkkel, niehku. 1 min.

2b.

Čále visot vearbbaid maid fuobmát. Vearba muitala maid dahká, omd. sihkkelastit, niegadit. 1 min.

2c.

Bija adjektiivva, substantiivva ja vearbba oktii. Muhtumin ferte sojahit sániid maid. Ovdamearka: fiskes sihkkel niegada, dilkos beana dánse. 45 sekundda.

2č.

Čále divtta man bajilčála lea okta du cealkagiin. 2-3 min.

2 d.

Loga jitnosit jus hálidat! Juogo iežat teavstta dahje molsso rátnáin.

Čálli sániid ovttas

3á.

Guovttis ja guovttis. Čálli sániid mat álget ovtta bustávain. 2 min. Lohkki sániid jitnosit luohká ovddas/iežáide. Buorre jus čállibeahtti visot sániid dávvalii. Álgi bustávain m.

3a.

Mat leat dudno favorihttasánit? Mat sánit leat jiednámusat? Dipmásat? Garrasat? Fuobmáide go guhkes sániid? Mat sánit leat oanehepmosat? Leat go sánit mat riibmejit? 3 min.

3b.

Čálli cealkagiid daid sániiguin. Sániid oažžu sojahit.

3c.

Lohkki jitnosit jus hálideahppi!