Giellapolicy mánáide
Ná geavahuvvo suomagiella, meängiella, sámegielat ja ruoŧagiella Polarbibblos!
Hutka Polarbibblos
Don leat gait deháleamoš Polarbibbloi. Mii háliidit doarjut du ja eará mánáid hábmema. Mii háliidit movttidahttit du lohkat ja geavahit iežat giela teaksta-, jietna- ja govvahámis.
Rávesolbmot geat veahkehit du hábmenbargguiguin Polarbibblos leat doaimmaheaddjit. Doaimmaheaddjit galget sávvat du bures boahtin ja movttidahttit du nu ahte háliidat geavahit Polarbibblo fas. Jus galggat vástádusa oažžut dus ferte leat konttu Polarbibblos. Dalle sáhtát gulahallat doaimmaheaddjin du bargguid birra.
Visot mánát ja nuorat ožžot sáddet sisa bargguid beroškeahttá jus leat oahppame giela dahje juo máhtát dan. Don sáhtát ovdamearkka dihte čállit divtta mas dušše moadde sáni leat eará gillii. Polarbibblos sáhttet teavsttaiguin leat čállinmeattáhusat, dat ii daga maidege. Doaimmaheaddjit veahkehit du nu ahte du giella šaddá ipmirdahtti earáide.
Polarbibblo sisdoallu
Vuosttažettiin galget barggut Polarbibblos leat mánáiguin dahkkon mánáid váras. Rávesolbmot čállet vuorbádeamiid, njuolggádusaid ja sullasaš doaimmaid birra.
Polarbibblos sáhtát lohkat, čállit ja speallat eará gillii go dušše ruoŧagillii. Polarbibblos gávnnat sámegielaid; julevsámegiela, davvisámegiela, biđomsámegiela, oarjánsámegiela ja ubmisámegiela. Dáppe gávnnat meänkieli sierra suopmaniid: durdnosleagisuopmana, jiellevárisuopmana ja lannankieli. Mii gávdnot maid suomagillii. Muhtumin sáhttet maid eará gielat gávdnot Polarbibblos.
Don sáhtát seaguhit gielaid.
Juohke gielas lea iežas ealli Polarbibblos:
Biikagoašku: Suomagiella
Oarri: Julevsámegiella
Rieban: Meänkieli (durdnosleagisuopman)
Njukča: Meänkieli (jiellevárisuopman/gilisuomagiella)
Čuovža: Meänkieli (lannankieli)
Buoidda: Davvisámegiella
Idjaloddi: Ruoŧagiella
Njoammil: Oarjánsámegiella
Rievssat: Ubmisámegiella
Beahceloddi: Biđomsámegiella
Oarjánsámegielat siiddus gávnnat maid ubmisámegiela. Geahča gos rievssat lea!
Julevsámegielat siiddus gávnnat maid biđomsámegiela. Geahča gos beahceloddi lea!
Meänkielisiiddus geavahuvvo eanemus durdnosleagisuopman. Jus háliidat jiellevárisuopmana, geahča gos njukča lea. Čuovža čájeha gos sisdoallu lannangillii lea.
Visot gielain lea seammá stuora árvu ja siidduin sáhttet leat erohusat ja doppe sáhttet leat sierralágan fálaldagat. Guossit galget álo gávdnat juoga mii soahpa juste sutnje.