GDPR
Webbesijjie gellien aejkien bïevnesh dov bïjre spååroeh maam sajtesne provhkoe. Vihkeles dellie daejredh maam webbesijjie spååroe jïh maam dejnie dorje. Mijjieh Polarbibblosne bïevnesh dov persovnen bïjre gïetedibie akten öörnegen mietie mij daatah vaarjele dataskyddsförordningen (GDPR). Ibie gåessie gænnah dov bïevnesh gïese jeatjabasse vedtebe!
Daesnie maahtah lohkedh mij bïevnesidie Polarbibblo dov bïjre spååreme:
Nommehth
Jis sijjiem nommehth provhkh jïh aamhtesh seedth namhtah utnije ibie naan bïevnesh dov bïjre spåårebe. Ij naan mijjen redaktöörijste jallh jeatjah maanah sajtesne daejrieh gie datne jallh mij dov nomme.
Utnije
Jis utnijem tseegkh mejladressem spåårebe maam mijjese vadteme. Aaj spåårebe jis nuerebe 13 jaepeste jallh ij. Gaajhkh aamhtesh mah seedth dov mejladressese dibrehtovvieh, dannasinie dïhte dov mejladresse vihkeles. Dïhte dov identiteete Polarbibblosne. Barre åejvieredaktööre gie dov mejladressem maahta vuejnedh jïh mejtie 13 jaepien båeries jallh ij. Dah redaktöörh gïeh aamhtesh gïehtjedieh jïh jeatjah maanah sajtesne barre dov utnijenommem maehtieh vuejnedh maam veeljih gosse dov utnijem tseegkih. Dov mejladressem sliejhtesåvva easkah gosse jïjtje veeljh dam dov kontom orrijidh.
Vuerpie
Gosse utnijinie sïjhth meatan Vuerpesne årrodh aaj dov rïektes nommen mietie gihtjebe, man båeries, dov adressem jïh påastenommerem jïh gusnie årroeh. Dam darjoejibie jis maehtedh seedtedh dam maam vitneme jis vitnh. Barre redaktööre gie Vuerpine gïehtele bïevnesidie vuajna. Dejtie bïevnesidie barre aktem askem spåårebe gossege vitnijidie våarpoehtamme. Dan mænngan dov nommem, man båeries, adressem jïh årromesijjiem mijjen daatabaaseste sliejhtebe. Dov påastenommerem spåårebe guktie maehtedh statistihkem tjöönghkedh, men ij dïhte dov nommese dibrehtåvva jallh gie datne.
Jeatjah gaahtjemh jïh aktiviteeth
Gosse sjïere gaahtjemh jïh aktiviteeth kanne aaj bïevnesh dov bïjre daarpesjibie spååredh. Dellie spååresuvvieh gossege gaahtjeme jallh aktiviteete orrijamme. Dan mænngan sliejhtesuvvieh.
Aamhtesh jallh kontom sliejhtedh
Gåarede dovne aamhtesh jïh dov kontom sliejhtedh. Jïjtje maahtah aamhtesh maam spååreme sijjesne ”Mov bielieh”, rubrihkesne ”Spååreme aamhtesh”. Jis sïjhth aamhtesh maam seedteme jallh bæjhkoehtamme dellie tjoerh redaksjovnine govlehtidh. Dam darjoeh mijjen sijjesne govlehtallemegoerine.
Jis dov kontom sïjhth sliejhtedh tjoerh aaj redaksjovnine govlehtidh.
Aamhtesh maam seedtesovveme nommehth ij maehtieh sliejhtedh.
Bïevnesh åadtjodh maam Polarbibblo dov bïjre spååreme
Jis sïjhth daejredh magkerh bïevnesh Polarbibblo dov bïjre spååreme maahtah dan mietie gihtjedh. Govlehth mijjine mijjen goeren tjïrrh.
Cookies (kakor)
Polarbibblo cookies nuhtjie, mah gohtjesuvvieh kakor. Akte cookies lea onne tekstefijle mij webbe-sijjieh sijhtieh dov datovrisnie spååredh. Tekstefijlesne bïevnesh gååvnesieh guktie webbe-sijjiem buerebe jåhta.
Mijjieh nuhtjebe mij akt maam gohtje sessiovnscokkie. Gosse datne dov daatorem jallh webbe-lohkijem gaptjh dellie dïhte haajpene.
Mijjieh aaj cookies nuhtjebe gosse statistihkem tjöönghkedh. Dellie aktem cookies daarpesje mij dov daatorisnie guhkebe tïjjem.
Akte daerpies cookies gååvnese. Dïhte måjhta dov cookies maam datne veeljeme . Dellie ih daarpesjh cookies fïerhten aejkien dåhkasjehtedh gosse Polarbibblose tjaangh.
Bïevnesh dov bïjre
Såemies mijjen cookies bïevnesh tjöönghkieh daatovren/telefovnen/lohkemefealloen bïjre maam datne provhkeme gosse Polarbibblose tjaangeme. Dam maam dïsse tjöönghkie gohtje IP-tallh.
Cookies gaptjedh
Jis ih sïjhth Polarbibblo edtja cookies nuhtjedh maahtah dam funksjovnem gaptjedh. Dam maahtah dov webbe-lohkijen sisnie darjodh jïh dejnie sijjine mij dov daatovrem vååksje. Dellie maahta nåekebe sjïdtedh webbe-sijjide nuhtjedh guktie provhkh. Ih datne v.g. maehtieh utnijem skaepiedidh.