Mijjieh påaskem heevehtibie!
Dellie maa påaske! Maam edtjh datne hæhtadidh? Sïjhth tjoejkedh? Jallh gærjam lohkedh?
Polarbibblosne mijjen gieltegs qvise, gaahtjeme jïh jeatjah lustes aath mejgujmie heevehtibie!
Påaske-bingo
Spïelh mijjen påaske-bingom! Tjaelieh bingo-daabloem jïh bïejh kroessem daablojde gosse dejtie barkojde dorjeme. Datne bingom åådtjeme gosse nieljieh daabloeh kroesseme seamma gaevnjieruktine jallh nieljie daabloeh diagonalem (tjaelieh sïevem lajtode roeneste roenese) Lahkoe dutnjien!
Rïhpesth jïh tjaelieh påaske-bingom!
Ryöknh påaskemunnieh
Ryöknh man gellie påaske-munnieh guvvesne gååvnesieh jïh deellh dov vaestiedassem mijjese! Jis dov vaestiedasse reaktoe, dellie nuepiem åtnah aktem mijjen tjaebpies myövhkes snjåglojste vitnedh.
Påaskequise
Sïjhth vuejnedh maam datne daajrah påasken bïjre? Dellie mijjieh quisem dutnjien utnebe!
Memorym spealadidh
Daennie memorysne galkh göökte munnieh seamma hammojne tjåanghkan bïejedh.
Dïhte nubpie memory akte påaske-memory desnie maahtah veeljedh jis sïjhth spealadidh baakoejgujmie jallh barre guvviejgujmie. Maahtah buaratjommese sjïdtedh?
Klaeredh mijjen påaske-guvviem
Sïjhth klaeriedidh? Dellie mijjen akte guvvie maam datne maahtah klaeriedidh. Guvvesne gïeledyjrh mah påaskem heevehteminie. Vïenhth luste?
Rïesehth dov påaske-rijsieh Polarbibbloen gïeledyjrigujmie
Dov leah påaske-rijsieh gåetesne? Dellie datne maahtah mijjen tjaebpies gïeledyjrh dïsse gævnjodh. Dïedtelh guvvide vuelelen dellie guvvie stuerebe sjædta, jïh tjaelieh guvviem olkese. Bietskedh dyjride jïh darjoeh raejkiem gogkoe laejkiem geasah. Riejries!
Mijjieh Polarbibbloste buerie påaskem dijjide vaajtelibie!