Temukratii - Sinun ääni oon tärkeä!
Ruottissa oon temokratii. Se merkittee ette ihmiset oon myötä päättämässä kunka maata johethaan. Temukratiissa oon tärkeä, ette sie kerrot mitä sie tykkäät eri asioista.
Polarbibblo halvaa opettaa sulle enemmän temokratiista ja kunka sie saat sinun äänen kuuluhviin.
Käy meän mielipiekirjotuskoulu
Ette kirjottaa mielipiekirjoutus oon yksi tapa sanoa mitä sie tykkäät jostaki tietystä asiasta. Se saattaa olla siittä kunka pitkät rastit pitäs olla koulussa tai kunka sie tykkäät ette ihmisten häätys käyttäytyä toisia kohen.
Halvaakko sie oppia kirjottamhaan mielipiekirjotuksen? Opi meän mielipiekirjotuskoulussa! Lähetä sinun mielipiekirjotus meile ja se pypliseerathaan meän sivula!
Mene Mielipiekirjotuskouhluun!
Lähetä plakaatti
Ko temonstreerathan saattaa käyttää plakaattia. Plakaatti och sjyltti missä oon kirjotettu jonku mielipie. Teksti oon enkkeltti ja lyhy, esimerkiksi:
- TAISTELE ILMASTON PUOLESTA
- LISSÄÄ RAHHAA KOULULE
- RASISMI – EI KIITOS!
Monifärinen plakaatti näkkyy hyin. Joskus siihen oon riitattu jotaki.
Mikä oon tärkeä asia sinun mielestä? Minkälainen sinun plakaatti oon?
Tehe meän quizzi temukratiista
Halvaaks sie oppia lissää temukratiista, eli testata mitä sie jo ossaat? Tehe meän quizzi!
Lasten oikeuksien sopimus
Lasten oikeuksien sopimus kertoo mitä oikeuksia sulla ja toisila lapsila oon ko tet assutta Ruotissa. Oon hyvä tietää mitä siinä sanothaan. Ja tietekki sie voit lukea siittä täälä Polarbibblossa!
Lue lasten oikeuksien sopimuksesta
Kuulukko sie kansallisheen minuriteethiin eli alkuperäskanshaan?
Silloin sulla oon erityisiä oikeuksia. Juutalaiset, romanit, saamelaiset, ruottinsuomalaiset ja tornionlaaksolaiset oon kansallisia minuriteettiä. Saamelaiset oon alkuperäiskansaa. Kaikki viis minuriteettiä oon olheet Ruottissa satoja eli tuhansia vuosia. Kielet ja kylttyyrit oon elävänä vielä. Tämä tekkee Ruottin rikhaamaksi ja färikhäämäksi maaksi! Kansalisilla minuriteetilä ja alkuperäiskansala oon lakia jokka suojaavat näitä oikeuksia. Suomela, meänkielelä ja saamen kielilä oon varsin voimakhaat oikeuet vissilä aluheila. Niitä kuttuthaan hallintoaluheiksi.
Kuulukko sie kansalisheen minuriteethiin eli alkuperäiskanshaan?
Tiesikkö ette:
- Sulla oon oikeus praatia sinun kieltä aina ko halvaat?
- Sulla oon oikeus kehittää sinun kylttyyriä?
- Sulla oon mahollisuus lukea kieltä äitinkielenä peruskoulussa?
- Jos ei ole pätevää kielenopettaijaa, sie saatat saaja lukea kieltä etäopetuksena?
- Sie saaatat pyytää saaha lukea kieltä vaikka olet ainoa oppilas?